निशुल्क बिरुवा बितरणगर्दै बन कार्यालय

निशुल्क बिरुवा बितरणगर्दै बन कार्यालय

 

डिभिजन बन कार्यालय गोरखाले निशुल्क बिरुवा बितरण गरिरहेको छ । गोरखा नगरपालिका १३ तीनकिलो र इलाका बन कार्यालय पालुङटारबाट करिब तीन लाख बिरुवा बितरण गरिने डिभिजन बन अधिकृत अशोककुमार श्रेष्ठले बताए ।

तीन किलो नर्शरीमा एक लाख ३० हजार बिरुवा मध्ये १० हजार बहुवर्षे छन् भने बाँकी अन्य बिरुवा छन् । धुपी, सिसौ, सल्ला, सिमल लगायतका रुख प्रजातीका बिरुवा बितरण भएको छ । साथै अम्बा, अमला, आँप, अमिली, कागती, लिची जस्ता फलफुल पनि बितरण गरिएको उनले बताए ।
अहिले तीन किलोमा रहेको नर्शरी र पालुङटार स्थित इलाका बन कार्यालयको नर्शरीबाट धमाधम बिरुवा बितरण भईरहेको छ ।

 

बिरुवा लिन किसानले निवेदन मात्र दिए हुन्छ । बिरुवा ढुवानी भने आफैँ गर्नुपर्छ । दुईचार वटा देखि आठ दश वटा बिरुवा लिन सहजै सकिन्छ । ब्यवशायीक रुपमा लिनका लागि भने बन कार्यालयले स्विकृत गर्नुपर्छ । धेरै लगाउन जग्गाको लालपुर्जाको प्रतिलिपी पेश गरेर बन डिभिजन कार्यालयमा निवेदन दिनुपर्ने सहायक बन अधिकृत महेश पौडेलले बताए ।साभारः दरौँदी दैनिक पत्रिका

प्रतिक्रिया दिनुहोस

Your email address will not be published. Required fields are marked *