गोरखा नगरपालिका भित्रका बिभिन्न वडाका एक सय २५ बिपन्न परिवारलाई खाद्यान्न बितरण गरिएको छ ।
गड हेड्स नेपाल गोरखाको समन्वयमा कोभिडका कारण जुगारा चलाउन समस्या भएका परिवारलाई गोरखा नगरपालिकाका मेयर राजनराज पन्तले हस्तान्तरण गरेका हुन् ।
नगरपालिकाको समन्वयमा परिवार छनौट गरि खाद्यान्न बितरण गरिएको संस्थाका अध्यक्ष रामचन्द्र दवाडीले बताए ।
प्रति परिवार करिब २७ सय रुपैयाँ बरावरको खाद्यान्न सहयोग गरिएको छ । मनोज श्रेष्ठ, बिकास श्रेष्ठ, अमिर कर्माचार्य र बेलायतमा रहेका गोर्खालीहरुको सहयोगमा उक्त सहयोग गरिएको उनले बताए ।
राहत हस्तान्तरण कार्यक्रममा गड हेड्सका पूर्व अध्यक्ष पुरुषोत्तम अर्याल, सदस्यहरु सित्तलकाजी मास्के, कमला श्रेष्ठ लगायतको उपस्थिती थियो ।साभारः दरौँदी दैनिक पत्रिका