विभिन्न सामाजिक अपराधमा संलग्न २७ पक्राउ

२०६८ पुस २६ गते, मंगलवार १६:०२:५२ बजे

 नरहरी सपाकोटा , हाम्रो गोरखा संवाददाता

 विभिन्न सामाजिक अपराधमा संलग्न २७ जनालाई प्रहरीले सोमबार गोरखा जिल्लाका विभिन्न स्थानबाट प्रक्राउ गरेको छ ।

प्रक्राउ पर्नेमा २६ पुरुष र एक महिला रहेका छन् । तास खेल्दै  गरेका, गाँजा खादैँ गरेको, रक्सी सेवन गरेका र अनैतिक क्रियाकलापमा संलग्न एक जोडीलाई पक्राउ गरिएको हो । सामाजिक अपराधमा संलग्नहरुलाई प्रक्राउ गरिएको प्रहरी नायब उपरिक्षक बसन्तबहादुर कुबँरले बताए ।

लक्ष्मीबजारबाट १५ जना, सिमलगैरीबाट ५ जना, दरबारमार्गबाट ५ जना, चिल्ड्रेन पार्कबाट दुई जना प्रक्राउ गरिएको जिल्ला प्रहरी कार्यालयले जनाएको छ । प्रक्राउ परेकाहरुलाई अनुसन्धान सुरु गरिएको कुबँरले बताए । उनले भने ‘अनुसन्धान पछि उनीहरुलाई कारवार्ही प्रक्रिया अघि बढाउने छु  ।’

त्यस्तै प्रहरीले सोमबार नै लक्ष्मीबजार देखि १० किलोबजार सम्मबाट अवैध घरेलु  मदिरा बरामद गरेको छ । विभिन्न पसल तथा भट्टीहरुमा छापा मारेर  घरेलु मदिरा बरामद गरिएको प्रहरी निरिक्षक  दिलिप घिमिरेले बताए । प्रहरीले सोमबार मात्र तीन सय ५० लिटर मदिरा बरामद गरेको जिल्ला प्रहरी कार्यालयले बताएको छ ।

यसैगरी प्रहरीले सतीपिपल र आरुघाट क्षेत्रबाट दुई वटा चोरीका मोटरसाईकल प्रक्राउ गरेको छ ।