बन अध्ययनमा गोरखा : चितवन र दोलखा

गोरखा जिल्लाको सामुदायीक बन

२०६८ फागुन ५ गते, शुक्रवार ०५:०८:४१ बजे

नरहरी सपाकोटा , हाम्रो गोरखा संवाददाता, गोरखा
गोरखा  जिल्लाको सामुदायीक बनमा सञ्चालीत रेड कार्यक्रमको प्रभाबकारीता, सीकाई र अनुभव आदान प्रदानका लागी दुई जिल्लाका सरोकारवाला टोली बिहीवार गोरखा आएको छ । चितवन र दोलखाको टोलीले गोरखाको लुदिखोला जलाधार क्षेत्रमा पर्ने लुदिदामगाढे बनको अध्ययन भ्रमण गरेको छ ।
टोलीले बन विनास र वन क्षयिकरणबाट हुने कार्बन उत्सर्जन न्युनिकरण कार्यक्रम (रेड)को बारेमा छलफल गरेको सामुदायीक बन उपभोक्ता महासंघका जिल्ला शाखाका सहजकर्ता भगीरथ केसीले जानकारी दिए । अध्ययनका क्रममा जिल्लाको लुदिखाला जलाधार स्तरीय जिल्ला सल्लाहकार समीती, रेड कार्यक्रम अनुगमन समितिका पदाधीकारी सँग पनि टोलीले छलफल गरेको सहजकर्ता केसीले बताए । 
अध्ययन टोलीलाई वन समुहका अध्यक्ष रमेश रमण खनालले वनमा सञ्चांलीत रेड कार्यक्रमको प्रभावकारीताका बारेमा बताएका थिए । जिल्लामा सञ्चांलन भएको रेड कार्यक्रमका उपलब्धी, चुनौती तथा सीकाई र अनुभव आदान प्रदान गर्न चितवन, दोलखाको टोली गोरखा आएको जनाएको छ । टोली सँगै जिल्लाबाट पनि १६ जनाको टोली बिहीवार नै सयुक्त रुपमा उनीहरु सँगै चितवन गएको छ । टोलीले शुक्रवार चितवनको कयरखोला जलाधार क्षेत्रको अबलोकन गरेर दोलखाको चर्नावती जलाधार क्षेत्रको अध्ययनका लागी जानेछ ।