प्रधानमन्त्रीको उद्घाट नै उद्घाटन

२०६८ पुस २२ गते, शुक्रवार ०१:२७:०७ बजे

नरहरी सपाकोटा , हाम्रो गोरखा संवाददाता

प्रधानमन्त्री डा. बावुराम भट्टराई आज गोरखामा आयोजना हुने चार औपचारिक कार्यक्रममा सहभागी हुने भएका छन् ।

प्रत्येक महिना जिल्ला आउने अभियान अन्र्तगत डा. भट्टराई पौष महिनामा गोरखा आउन लागेका हुन् । उनी विहान ९ः३० बजे गोरखाकाली रबर उद्योग देउराली आईपुग्ने उनी निकट स्रोतले जानकारी दिएको छ ।

 एकीकृत नेकपा माओवादीका उपाध्यक्ष समेत रहेका भट्टराईले रबर उद्योग परिसरमा निर्मित सहिद प्रतिक्षालयको उद्घाटन गर्ने कार्यक्रम रहेको छ । जनयुद्धमा मारिएका प्रकाश पोखरेलको स्मृतिमा निर्मित प्रतिक्षालयको उद्घाटन गर्न लागिएको हो ।  

 त्यसपछि प्रधानमन्त्री उद्योग वाणीज्य संघको १३ औँ अधिवेशन तथा ३८ औँ साधारण सभामा सहभागी हुन छहरे पुग्ने कार्यक्रम रहेका छ । उवासंघमा इलम प्रशिक्षण केन्द्रको भवन प्रधानमन्त्रीले उद्घाटन गर्ने महासचिव जीवनज्योति श्रेष्ठले जानकारी दिए ।

अधिवेशनको उद्घाटन पछि होटल बिसौनीमा खाना खाएर प्रधानमन्त्रीले हात्तीपाईलेको औषधी खाने कार्यक्रमको उद्घाटन गर्ने कार्यक्रम छ । खाएर होटल विसौनीमा आयोजना हुने कार्यक्रममा प्रधानमन्त्री सहभागी हुने कार्यक्रम छ । बिसौनीमा गोरखा साइन्स एण्ड टेक्निकल एजुकेशन सहकारी संस्था लिमिटेडको प्रारम्भिक साधारण सभामा डा. भट्टराई सहभागी हुन लागेका हुन् ।

 सहकारीको साधारण सभापछि प्रधानमन्त्रीले गोरखा नगरपालिकाको छेवेटार र खोप्लाङ गाविस जोड्ने नवनिर्मित पुलको उद्घाटन गर्ने कार्यक्रम रहेको माओवादी तमुवान राज्य समिति सदस्य रमेश पोख्ररेलले जानकारी दिए । पुल उदघाटन पछि प्रधानमन्त्री आँबुखैरनी हुदैँ तनहुँ उवासंघको अधिवेशनमा सहभागी हुन दमौली जाने कार्यक्रम रहेको छ । तीन बजे सम्ममा प्रधानमन्त्रीले दमौली प्रस्थान गरी सक्ने पोखरेलल बताए ।

यस विचमा प्रधानमन्त्रीले नेपाल बारएसोसिएसन गोरखाका पदाधिकारी र पूर्व राज्यमन्त्री जितबहादुर नेपाली सँग भेटघाट गर्ने कार्यक्रम रहेको छ ।