धर्मावतीको वार्षिकोत्सव

२०६८ फागुन ८ गते, सोमवार ०५:२०:२२ बजे

नरहरी सपाकोटा , हाम्रो गोरखा संवाददाता, गोरखा

धर्मावती माध्यमिक विद्यालय छोप्राक ९ चोरकाटे गोरखा को ५१औं वार्षिकोत्सव तथा अभिभावक दिवस समारोह विविध कार्यक्रमका साथ आईतवार सम्पन्न भएको छ ।

विद्यालय व्यवस्थापन समितिका अध्यक्ष मोतीराम कुमालको अध्यक्षतामा भएको कार्यक्रममा विद्यालयका प्रधानाध्यापक सूर्य प्रसाद पोखरेलले विद्यालयको आर्थिक शैक्षिक तथा भौतिक पक्षको वारेमा प्रतिवेदन प्रस्तुत गरेका थिए । विद्यालय निरिक्षक सुवासचन्द्र आचार्यको प्रमुख आतिथ्यतामा भएको कार्यक्रममा संसारी उच्च उ्च्च माविका प्राचार्य भोजराज कौइराला, छिमेकी विद्यालयका शिक्षक रत्न वहादुर कुमाल, अभिभावक गंगा कुमाल, जग्गादाता सीताराम पाण्डे , सर्वोदय निमाविका शिक्षक प्रकाश पोखरेल, विद्यार्थी किरण गुरुङ, लगायतले मन्तब्य राखेका थिए । सोही अवसरमा वार्षिकोत्सवको अवसर पारेर आयोजना गरिएको विभिन्न प्रतियोगितामा विजयी विद्यार्थीहरुलाई पुरस्कर तथा प्रमाणपत्र प्रदान गरिएको थियो ।

 वार्षिकोत्सवको अवसर पारेर विद्यार्थीहरुद्वारा विविध सांस्कृतिक कार्यक्रम पनि प्रस्तुत गरिएको शिक्षक उत्तम कुमालले जानकारी दिए । 

Shyam Gaire : Chhoprak-7,Gorkha

Good news keep it up..........