गोरखा यातायातमा केसी

२०६८ फागुन ७ गते, आईतवार ०५:०८:४८ बजे

नरहरी सपाकोटा , हाम्रो गोरखा संवाददाता, गोरखा
यातायात ब्यबसायी समीती गोरखाको सातौँ साधारण सभा तथा विशेष अधिवेशनबाट अध्यक्षमा रामहरी केसी भारी मतका साथ विजयी भएका छन् । उनी प्रतिद्धन्द्धी कुलबहादुर कुवँरलाई ३३ मतले पछि पार्दै ९१ मतका साथ विजयी भएका हुन् ।
त्यस्तै समीतीको उपाध्यक्षमा साथ सुवास अधिकारीले ८४ मतका साथ लबकुश सिंखडा र नारायण बाबु खडकालाई पछि बिजयी भए । सिंखडाले २९ र खड्काले २८ मत पाएका थिए । कार्यसमीतीको अन्य चार सदस्य पदका लागी नौ जनाको प्रतिस्पर्धा भएकोमा युवराज पाण्डे, डण्डपाणी कट्टेल, भरतबाबु अर्याल र नविन श्रेष्ठ निर्वाचित भएका छन् । पाण्डेले ९०, अर्यालले ७३, श्रेष्ठले ७१ र कट्टेल ६५ मतका साथ बिजयी भएका हुन् ।  सदस्यका लागी चुनावी मैदानमा रहेका बलराम थापाले ६२, कमान सींह गुरुङले ५८, सुरजबाबु पन्तले ५३, राजन ढकालले ५० र शम्शेर गुरुङले २४ मत ल्याएका थिए ।
नयाँ कार्यसमीती चयनका लागी शनिवार विहान समीतीको कार्यालयमा भएको मतदान प्रक्रियामा एक सय ५९ ब्यबसायीले मतदान गरेका थिए । त्यस मध्ये २ मतपत्र बदर भएको थियो । समीतीमा कुल एक सय ७६ ब्यबसायी आबद्ध रहेकोमा १७ जना मतदानमा सहभागी नरहेको यातायात ब्यवशायी समितिले जनाएको छ ।
समीतीको दुईबर्षे कार्यकालका लागी अन्य पदमा भने शुक्रवार नै पादधीकारी निर्विरोध भएको थियो । बरीष्ठ उपाध्यक्षमा नन्दलाल बगाले, महासचिवमा बासुजंग थापा, सचिवमा मिरा पाण्डे, कोषाध्यक्षमा बुद्धिबहादुर खत्री र सह कोषध्यक्षमा देबराज श्रेष्ठ निर्विरोध निर्वाचित भएका हुन् । बस संयोजकमा  चन्द्रबहादुर गुरुङ, ट्रक संयोजकमा यमबहादुर घिमीरे, ट्रयाकटर संयोजकमा नारायण श्रेष्ठ, मिनीबस संयोजकमा रामकुमार श्रेष्ठ र माइक्रो संयोजकमा कृष्णबहादुर गुरुङ निर्वीरोध भएका थिए ।