गोरखा उद्योग बाणिज्यसंघमा नयाँ नेतृत्व

गोरखा उद्योग बाणिज्य संघको १३ औँ नवनिर्वाचत अध्यक्ष भगतबाबु जोशी ।

२०६८ पुस २४ गते, आईतवार ०९:४५:०३ बजे

नरहरी सपाकोटा , हाम्रो गोरखा संवाददाता

उद्योग बाणिज्य संघको १३ औँ अधिवेशन तथा ३८ औँ साधारण सभाले नयाँ कार्यसमिति चयन गरेको छ ।
संघको शनिवार राती ०९:३० बजे सकिएको अधिवेशनले अध्यक्षमा भगतवावु जोशी सहित सदस्यमा १० जना चयन गरेको हो । अध्यक्ष जोशी विहिवार नै सर्वसम्बत भई सकेका थिए भने १० सदस्यहरु चुनावी प्रक्रियाबाट निर्वाचित भएका हुन् । सदस्यका लागि २३ जना बिच चुनावी प्रतिस्पर्धा भएको थियो । शनिवार भएको निर्वाचन र मतगणनाबाट सदस्यहरु निर्वाचित भएका हुन् ।

निर्वाचित सदस्यहरुमा भाइचन्द्र श्रेष्ठ, भगवानबावु मास्के,  प्रकाशचन्द्र श्रेष्ठ, कृष्णकुमार श्रेष्ठ, अस्मकबावु श्रेष्ठ, चन्दनबावु खत्री, राजुबावु श्रेष्ठ, राजेन्द्र विश्वकर्मा, गोविन्दबहादुर गुरुङ र कुलबहादुर कुँबर रहेका छन् । 

अध्यक्ष पदका उम्मेदवार प्रदिनबावु श्रेष्ठले विहिवार नै उम्मेदवारी फिर्ता लिएपछि निवर्तमान कार्यसमितिका प्रथम उपाध्यक्ष जोशी सर्वसम्वत भएका थिए ।

 शनिवार दिउँसो १२ बजेबाट मतदान प्रक्रिया सुरु गरिएको हो । मतदान तीन बजे सम्म चलेको  थियो । साँझ साँढे पाँच बजेबाट सुरु भएको  निर्वाचन अधिकृत विश्वदेब श्रेष्ठले जानकारी दिए । संघका कुल तीन सय ८८ सदस्यमध्ये तीन सय ७१ जनाले मतदान गरेका छन् । खसेको मत मध्ये २७ मत बदर भएको थियो । तीन वर्ष नवनिर्मित कार्य समितिको अवधि हुन्छ ।