गोरखाका डिएस्पी आफैँ फिल्डमा

गोरखामा यातायातको चेकजाँच ट्राफिक प्रहरी

२०६८ पुस २९ गते, शुक्रवार १७:४९:१७ बजे

ट्राफिक नियम कार्यान्वयन गराउन जिल्ला प्रहरी कार्यालयले विहिबार साँझबाट सडक सुरक्षा चेक जाँच टोली परिचालन गरेको छ । ट्राफिक व्यवस्थापनका लागि क्षेत्रिय प्रहरी कार्यालयबाट तालिम प्राप्त प्राविधिक ट्राफिक प्रहरी झिकाइएको हो । प्रहरी सहायक निरिक्षकको नेतृत्वमा १० जना टोली चेक प्वाइन्टहरुमा खटाईएको छ । ट्राफिक नियम प्रभावकारी रुपमा लागु गर्न टोली परिचालन गरिएको प्रहरी नायब उपरिक्षक बसन्त कुबँरले जानकारी दिए । उनले भन ‘गोरखामा ट्राफिक नियममा सुधार नआए सम्म यो टोली परिचालन गरिने छ ।’ जिल्ला प्रहरी कार्यालयले जिल्लाको सबै सडकमा शुक्रबारबाट टोली परिचालन गर्ने बताएको छ । उक्त टालीले सवारी चालक र सवारी साधनको प्राविधिक परिक्षण गर्न सक्ने प्रहरी निरिक्षक दिलिप घिमिरेले बताए ।  सडक सुधार अवधारणा अन्र्तगत प्राविधिक टोली खटाईएको कुँबरले बताए ।
  बिहिबार साँझ हरमटारी चोकमा आर.एस.सी.सी (सडक सुरक्षा चेक जाँच प्वाइन्ट टोली) ले सवारी साधनमा चेकचाँज गरिएको अवस्थामा डिएसपी कुँबर टोलीको निरिक्षण गर्दै हरमटारी आएका थिए ।
 उनले चेकजाँचमा खटिएका ट्राफिक प्रहरीलाई कसैको दबावमा नपरि नियम अनुसार कारवार्ही गर्न निर्देशन समेत  दिए । प्रनाउ कुवँरले चेकजाँचमा खटिएका ट्राफिक प्रहरी सहायक           निरिक्षकलाई निर्देशन दिदैँ भने ‘नियम अनुसार कडाईको साथ काम गर्नु, केहि समस्या परे तुरुन्त मलाई भन्नु, बाँकी कुरा म गर्छु । ट्राफिक प्रहरीले हरमटारीमा चेक प्वाइन्ट नै खडा गरी सवारी साधन र चालकहरुको  परीक्षण गरेको थियो । सुरुवात सँग कुवँरले भने ‘सबै प्रहरी टोलीको म आफैँले स्थलगत निरीक्षण गर्न गरेको छु ।, समस्या परेको ठाँउमा आफैँ गएर समस्या समाधान गर्ने गरेको हुँ ।’