आगलागिबाट गम्भीर घाईतेको काठमाडौँमा उपचार हुँदै

२०६८ फागुन ८ गते, सोमवार १६:११:३२ बजे

नरहरी सपाकोटा , हाम्रो गोरखा संवाददाता, गोरखा
उहिया गाउँ बिकास समतिमा वडा नं. १ खोर्ला बेशीमा आईतवार राती भएको आगलागी परि गम्भीर घाईते सात जनाको काठमाडौँमा उपचार हुँदैछ । रातको समय भएकाले आईतवार हेलीकप्टर आउन नसक्ने भएपछि सोमवार बिहान हेलिकप्टर चार्टर गरेर थप उपचारको लागी काठमाण्डौँको टिचिङ हस्पिटल लगेका छौँ ।
‘हिजै (आईतवार) राती हेलीकप्टर चार्टर गर्न सकेनौँ, आज (सोमवार) बिहान चार्टर गरेर गम्भीर भएका सात जनालाई टिचिङमा उपचारका लागी लगेका छौँ ।’ स्थानीय सुवानसिंह गुरुङले टेलीफोनमा भने । बाँकी सामान्य घाईते नौ जनाको भने माछाखोला उपस्वास्थ्य चौकीमा उपचार भईरहेको गुरुङले बताए । उनले भने ‘हेलीकप्टरले आरुघाट स्वास्थ्य चौकीबाट औषधी सहित तीन जना स्वास्थ्य कर्मी ल्यायर समान्य घाईतेको अहिले माछाखोला उपस्वास्थ्य चौकीमा उपचार भईरहेको छ ।’
काठमाडौँ मा उपचारार्थ वडा नं १ का ११ वर्षिय बेलबहादुर गुरुङ, १२ वर्षिय कमल गुरुङ, १६ वर्षिय मनकुमारी गुरुङ, २४ वर्षिय सुनिता गुरुङ, २५ वर्षिय पिप्ली गुरुङ, ४५ वर्षिय टेकबहादुर गुरुङ, ६८ वर्षिय विरबहादुर गुरुङ रहेको जिल्ला प्रहरी कार्यालयले जनाएको छ ।
स्थानिय सुवानसिंह गुरुङको फागुन एक गते मृत्यु भएकी आमा मान्की गुरुङका किरिया बसेको ठाँउमा आगोलागी हुदाँ कुरुवाहरु  सहित स्थानियबासी घाईते भएका हुन् । किरिया बसेको ठाँउमा रहेको टुकी बत्तीमा मट्टितेल हाल्ने क्रममा आगो लागि भएको सुवान सिंहले बताए ।