अभिभावक शिक्षण कार्यक्रम

२०६८ फागुन ५ गते, शुक्रवार १७:०६:४२ बजे

नरहरी सपाकोटा , हाम्रो गोरखा संवाददाता, गोरखा
नौलो घुम्ती नेपालले जिल्लाको श्रीनाथकोट गाउँ बिकास समितिको सुर्यज्योती निम्न माध्यामीक विद्यालयमा बिहिवार एक दिने अभिभावक शिक्षण कार्यक्रम गरेको छ ।

शिक्षक अभिभावक संघका अध्यक्ष बिचबहादुर गुरुङ्गको अध्यक्षतामा भएको कार्यक्रम अभिभावकले बालबालिका लाई गर्नुपर्ने ब्यबहारका बारेमा अन्तक्रिया गरिएको थियो । नौलो घुम्ती नेपालका सामाजिक परिचालक सिर्जना  ढकालले अन्तक्रियाको सहजिकरण गरेकी थिईन ।

यूरोपेली संघको सहयोग तथा असल छिमेकी सहयोग संघ कास्कीसँगको साझेदारीमा संचालन भईरहेको “गुणस्तरीय शिक्षाका लागि विद्यालय क्षमता अभिवृद्धि कार्यक्रम” अन्तर्गत कार्यक्रम गरिएको नौलो घुम्ती नेपालका फिल्ड सुपरभाईजर बिशाल ढुङ्गानाले जानकारी दिए । 

कार्यक्रममा अभिभावकहरुले आफ्ना बावु नानीहरु प्रति गर्नु पर्ने व्यवहारको सैद्धान्तिक तथा  व्यवहारिक ज्ञानको विषयमा चासो राखेका थिए ।