झरीमा उभिएर सम्झना गर्दा

२०६८ पुस १२ गते, मंगलवार ११:५४:४५ बजे

मेरा सबै सम्झनाहरु

झरीको पानीमा रुझेका छन्

झरीको पानीमा उभिएर झिजेका छन्

बलेसीमा ओत लागेर

सय हन्डर छिचोलेका बुढा वा,

जिन्दगी बिसाउनै लागेकी आमा

सायद खोज्दै होलान्

पानीका थोपा-थोपामा

आफ्नै ढुकढुकीहरु

यही थापामा पग्लिएको छु म

र सम्झन्छु गाउँको मेलापात र खहरे

चप्प-तप्प थोपामा

सम्झना भइँभरि खस्छ

सम्हालेर समेटिँदैन

सलल्ल बगेर जान्छ

छेकेर छेकिँदैन

मेरो सम्झना, मेरो सपना

हेरक वर्ष बर्षाको भेलसँगै बगेर जान्छ ।

 

कविता संग्रह साक्षीबाट